" Kitaab ! "

maathe pe
silwatein nahin thi
aur aankhein bhi
band kar li thi tumne...
dheere dheere tum
kuch keh rahe the.
kisi takalluff me tum
kabhi idhar dekhte kabhi udhar,
aur zabeen ko
tum kisi tasavvur ki thandi jameen pe
rakh dete the


(aur shayad tum hawa ki manind
in panno ko uda rahe the
udhadi udhadi si zild,
peele peele
dabe dabe se panne
betuke se lafz
aur na dikhayi dene wale
maayne...)

ye
meri kitaab saamne rakhkar
tum
kiska sazda
kar rahe the... ?